Saqqummiineq: ANNILAANGASARNEQ SUNAANA?

Ulluinnarni annilaangasarnerup akiornissaanut siunnersortigit sakkussannillu pitsaasunik tarnip pissusaanik ilisimasalimmit Karl Chemnitzimit pissarsillutit. Saqqummiinerup kingorna apeqquteqarnissamut periarfissaqassaaq.

Karl Chemnitz tarnip pissusaanik ilisimasalittut namminersortuusoq ukiut 30-t sinnerlugit tarnip pissusaanik sullissiviutilittut misilittagaqarpoq. Ukiorpassuarni Qallunaat Nunaanni Kalaallit Nunaannilu tarnikkut nappaatilinnut sullissisuuvoq. Qaanaami, Tasiilami, Sisimiuni Upernavimmilu angalasarsimavoq inuillu meeraanerminni kinguaassiuutitigut atornerlunneqarsimanermik kingunerlutsitsisimasut katsorsartarlugit.

Karl Tasiilami Nuummilu peroriartorpoq. 14-inik ukioqarluni Qallunaat Nunaannut kostskoleriarpoq. Katillugit ukiut 40-t Qallunaat Nunaanni najugaqarpoq ukiunilu 20-ni Nunatsinni najugaqarsimalluni. Ukiut kingulliit 7-t Nuummi.

OBS. Saqqummiineq qallunaatut ingerlanneqassaaq kalaallisullu nutserisoqassalluni.