Meeqqerivinnut

Meeqqeriviit tamarmik meeqqanut atuagaateqarfimmut tikilluaqqusaapput, ammanerup nalaani matoqqanittalu nalaani. Eqqumaffigissavarsili piffissamik inniminneereersimassagassi, taava aggernissarsi ilisimassavarput. Kikkunnik tamanik inissaqartitsinnginnatta inoqarpallaartillugu meeqqeriviit inniminniisimanngitsut ilaatigut itigartittariaqartassavagut. 

Ammanitta nalaani inniminneereertariaqanngilasi. Matoqqanittali nalaani maaniinniarussi piffissamik inniminneeqqaarnissarsi inassutigaarput. Taamaalillusi kisissi meeqqanut atuagaateqarfimmiissinnaassagassi.  

Atuagaatilerisoq Peter Tværmose Nielsen piffissamik sianerlusi inniminniiffigisinnaavarsi uunga 348944 imaluunniit oqasuaammut pingaarnermut 321156-mut. 

Naatsorsuutigaarput sulisut meeqqat atuagaateqarfimmukaqatigisatik akisussaaffigissagaat nakkutigalugillu. Aamma ingerlaqqinnginnissinni torersaasassaasi.